Bernardo Rodríguez Ribeira

Rebumbio sin fin

Todo é engañifa n-este mundo
De mintiras e trampas e liortas.
A moral e a razón parecen mòrtas
C-as falcatrúas que se fan á reo.

A xusticia dá voltas com-a veo
Se lle entran os munises pol-as pòrtas, 
E cada un, por dereitas ou por tòrtas,
Fay canto pode pra vivir do alleo.

Atôpase unha agulla n-un palleiro
Mais presto, se se busca con pacencia,
Que se encontra un amigo verdadeiro.

Como non hai vergonza nin concencia,
Todo se vende hoxe por diñeiro
Dend-as sete virtudes á inocencia.

Bernardo Rodríguez Ribeira

(Bernardo Rodríguez Ribeira nasceu no dia 8 de Janeiro de 1853. Morreu em 1924.)