Francisco Porto Rey

Monte de Lobeira, monte de Xiabre,
Nas noites de inverno caladas e tristes,
Qué diaños falades,
Que a xente do mundo non entende migalla dos vosos falares...?

Cando eu era un neno, miña nai contábame
De coma Lobeira fora unha xiganta, e Xiabre un xigante,
Con corpos e almas igoal que as xentes que había denantes...
Máis o demo tentounos un día. ¡Quixeron bicarse!
E Deus púxolles polo medio o val do Salnés...
Pra que mentras se amasen...

Monte de Lobeira, Monte de Xiabre.
Nas noites de inverno, caladas e tristes.
Eu xa sei que falades!
Falades de amores.
Que o falar de amor non é de homes, senón de xigantes.

Francisco Porto Rey

(Francisco Porto Rey nasceu no dia 16 de Janeiro de 1876. Morreu em 1941.)