Nha terra, que tá parcême otr'ora
grande moda um munde
e más tarde moda um continente,
ca é mas agora
do que esse cantim
perdide nesse mar profunde:
Sanvicente!
Ma li qu' m' nascê
li qu' m' criá!
Esse mar, esse céu, ma esse tchom
é que moldá nha carne e lumiá nha vida!
Li qu' m' ha de morrê!
E quand m' ca for más do qui poera,
inda m'há de continuá ta vivê
na cor desse mar,
na luz desse céu,
na boca dum piquena qualquer,
ta namorá cretcheu...
Sérgio Frusoni
(Sérgio Frusoni nasceu no dia 10 de Agosto de 1901. Morreu em 1975.)
Sem comentários:
Enviar um comentário